Sneon 19 oktober - Poëzy út Fryslân troch in rôze bril

Nei de feestlike iepening fan de Triënnale fan Beetstersweach 2024 binne wy bliid om it publike programma te dielen dat de lêste trije wiken fan de tentoanstelling holden wurde sil. It is net noadich om dy oan te melden of in kaartsje te keapjen, kom gewoan lâns om te harkjen, te praten en it glês te heffen yn keunstnersbar De Bult. Elk programma begjint mei in rûnlieding troch de tentoanstelling troch ien fan de kurators.

Sneon 19 oktober
Dichter en oersetter Janneke Spoelstra is ien fan de gearstallers fan de twatalige blomlêzing ‘Do draachst de leafde oan’, literatuer fan Fryslân troch in rôze bril / Jij draagt de liefde aan, literatuur van Friesland door een roze bril. Tegearre mei Fryske taalkundige Jelle Krol fertelt sy oer dizze samling poëzy en literatuer en lêst derút foar.

13.30-14.30 Rûnlieding troch de tentoanstelling - Start by Kunsthuis SYB, mei Alice Conforti
15.00-16.00 Lêzing fan Janneke Spoelstra, mei Jelle Krol
15.00-18.00 De Bult bar hosten troch SYB team

Biografy
Janneke Spoelstra is dichter, oersetter en as ûndersiker ferbûn oan de Fryske Akademy. Yn 2004 debutearre se mei de poëzybondel Goeieis it wachtwurd, mei ferzen dy’t har ûnderskiede troch harren ienfâld en direkte bewurding. It fers ‘Fytse’ út dy bondel kin sjoen wurde as ien fan de earste ferzen yn har oeuvre dêr’t sy homoseksualiteit yn oan ’e oarder stelt.

Jelle Krol is Fryske taalkundige en as kolleksjefoarmer ferbûn oan Tresoar: argyf, museum en biblioteek Fryslân. Yn 2018 ferskynde syn proefskrift oer de fraach nei emansipaasje fan minderheidstalen.

Alice Conforti folget in masterstitel Keunsthistoarje en Curatorial Studies oan de Ryksuniversiteit Grins. Se docht op it stuit staazje by Keunsthûs SYB.